آخـــر الـــمـــشـــاركــــات

+ الرد على الموضوع
النتائج 1 إلى 3 من 3

الموضوع: ( مسافره في قلوبنا ) .. قصيدة بالعامية المصرية .. شعر / نبيل مصيلحي

  1. #1
    Senior Member
    تاريخ التسجيل
    Jan 2005
    المشاركات
    176

    افتراضي ( مسافره في قلوبنا ) .. قصيدة بالعامية المصرية .. شعر / نبيل مصيلحي

    مسافره في قلوبنا
    شعر / نبيل مصيلحي


    بتسأل يا صاحبي بتكتب لمين ..؟!
    ودمعة عيونك بتنزف أنين
    بتكتب لنفسك .. تطهر في روحك
    تداوي جروحك .. تزيل الهموم
    بتكتب لكونك .. يكون زي شجره
    بتطرح نهار
    بتكتب لوطنك .. يكون فجر واقف
    في وش البوار
    بتكتب ليومك .. يكون يوم مفتـّح
    بيبان الشروق
    بتكتب لبكره .. يكون سد جامد
    قصاد العوار
    ولو كان وجودك مجرد شروخ
    فحاسب ولملم شروخك وعدي
    حدود السدود
    وكمِّل خطاوي اللي قبلك وماتوا
    وسدوا بروحهم شروخ الجدار
    ومش كل باقي على الأرض عتمه
    ولا كل باقي لصوص الطريق
    ولو يوم تخاف .. وحقك تخاف
    فخوفك حياه ..!!
    وجايز يكون لك في خوفك نجاه
    لأنك هتقدر تعيش من جديد
    وسندان صمودك يلين الحديد
    يحن الحنين الحنون الحنيِّن
    لطـلـِّة جبينك
    أبوك كان بينزف حياته بشموخ
    ويزرع غيطان الحياه كل يوم
    برغم المآسي اللي حالت ما بينه
    وبين الحصاد
    زرع يومه نور .. فشقشق بدور
    وعاشت بلادك كما هيّه واقفه
    في وش الرياح
    بلادك .. بلادي / بلادي الحبيبه
    مسافره ف قلوبنا
    وسافر اللي سافر
    وعاد اللي عاد
    ولا مره سافرت بلادي في موات
    وعاشت خلوده
    ولو كان بلاد الغروب اللي برَّه
    بتسكن مكانها فمش ع الدوام
    ومين اللي دايماً بيطلع سلالم
    ويطلع ويطلع
    ولا مره ينزل
    فهذا محال ..!!
    محال تبقى دايماً سجين المكان
    فطير كالطيور المهاجره اللي عاشقه
    تهاجر تهاجر
    ولازم تعود ..
    بلادك يا صاحبي عليها العيون
    بترصد شروقها
    بتحسد مكانها وزمانها وبيوتها
    بلادك بتحبل وتولد وتحبل
    وتولد قلوب
    ومنها اللي مؤمن
    ومنها اللي كافر مالوش انتماء
    ولا عمر صوتها يغيب في الزمان
    يجوز يبقى هامس
    يجوز يبقى لامس
    يجوز يبقى عالي لحد الصراخ
    ولا عمر أبداً صورتها هتخفى
    صورتها ف عيونك صبيه عفـيَّه
    باشوفها ف جبينك
    باشوفها ف ملامحك
    باشوفها في خوفك عليها يا شاعر
    في كونك ورسمك
    وهمسك ولمسك
    في صوت عب حليم
    اللي لسَّه ف ودانك
    ولحنه في قلبك بينعش هواك
    في بنت الجيران الي شاغله خيالك
    في لعب العيال الشُقاي في الحواري
    بترسم في وش الكبار ابتسامه
    برغم المرار ..
    برغم اللي ماتوا في قطر الصعيد
    برغم اللي ماتوا في وسط الميدان
    في ثورة يناير ..
    برغم الحصار ورغم البوار
    ورغم اللي عايز يكون الإله
    بلادك ما زالت على الأرض باقيه
    بتزرع وتفلح عيون الأمان
    بتسأل يا صاحبي بتكتب لمين .. !!
    ودمعة عيونك بتنزف أنين
    وتبعت رسايل ليلاتي في خيالك
    ومين يسمعك ..
    دا كونك يا شاعر رقيق المشاعر
    ورقة مشاعرك بتاخدك بعيد
    تصوّر ..
    وترسم لنفسك حدود الوطن
    وطن قلبه أخضر
    وتفرش عيون البراح ابتســام
    وتحصد لنفسك وغيرك سلام
    دا حقك يا شاعر
    تصوّر خيالك ..
    وترسم لنفسك في قلبك وطــن
    بلونك وصوتك وبسمة عيونك
    وحلم الصباح
    ورغم اني حاسس
    بجرحك في شعرك
    ورعشة مشاعرك
    بيعجبني قولك ..
    ( أنا حي لسّه ..
    بوار الأراضي ما دبلشي عودي )
    ولا تخفي ذاتك في ذاتك تموت
    ذوات الكتير من زمانك في ذاتك
    تدوم الحياه ..!!
    ولا تدعي ع اللي في يوم أمنوا ماتوا
    ولا يوم تخاف م اللي ماسك في إيده
    عصايه لسكاتك
    ودوس ع الزناد اللي ساكن قصيدتك
    كلامك رصاص
    فنشـِّن في عين الغريم / الضلام
    ماتخشى المشانق
    ونصك هيبقى شهيد الحقيقه
    ولو موتوك
    ولا عمره يبقى مجرد تداعي
    لنص اغتراب
    ...






  2. #2

    افتراضي

    اقتباس المشاركة الأصلية كتبت بواسطة نبيل مصيلحى مشاهدة المشاركة
    مسافره في قلوبنا
    شعر / نبيل مصيلحي


    بتسأل يا صاحبي بتكتب لمين ..؟!
    ودمعة عيونك بتنزف أنين
    بتكتب لنفسك .. تطهر في روحك
    تداوي جروحك .. تزيل الهموم
    بتكتب لكونك .. يكون زي شجره
    بتطرح نهار
    بتكتب لوطنك .. يكون فجر واقف
    في وش البوار
    بتكتب ليومك .. يكون يوم مفتـّح
    بيبان الشروق
    بتكتب لبكره .. يكون سد جامد
    قصاد العوار
    ولو كان وجودك مجرد شروخ
    فحاسب ولملم شروخك وعدي
    حدود السدود
    وكمِّل خطاوي اللي قبلك وماتوا
    وسدوا بروحهم شروخ الجدار
    ومش كل باقي على الأرض عتمه
    ولا كل باقي لصوص الطريق
    ولو يوم تخاف .. وحقك تخاف
    فخوفك حياه ..!!
    وجايز يكون لك في خوفك نجاه
    لأنك هتقدر تعيش من جديد
    وسندان صمودك يلين الحديد
    يحن الحنين الحنون الحنيِّن
    لطـلـِّة جبينك
    أبوك كان بينزف حياته بشموخ
    ويزرع غيطان الحياه كل يوم
    برغم المآسي اللي حالت ما بينه
    وبين الحصاد
    زرع يومه نور .. فشقشق بدور
    وعاشت بلادك كما هيّه واقفه
    في وش الرياح
    بلادك .. بلادي / بلادي الحبيبه
    مسافره ف قلوبنا
    وسافر اللي سافر
    وعاد اللي عاد
    ولا مره سافرت بلادي في موات
    وعاشت خلوده
    ولو كان بلاد الغروب اللي برَّه
    بتسكن مكانها فمش ع الدوام
    ومين اللي دايماً بيطلع سلالم
    ويطلع ويطلع
    ولا مره ينزل
    فهذا محال ..!!
    محال تبقى دايماً سجين المكان
    فطير كالطيور المهاجره اللي عاشقه
    تهاجر تهاجر
    ولازم تعود ..
    بلادك يا صاحبي عليها العيون
    بترصد شروقها
    بتحسد مكانها وزمانها وبيوتها
    بلادك بتحبل وتولد وتحبل
    وتولد قلوب
    ومنها اللي مؤمن
    ومنها اللي كافر مالوش انتماء
    ولا عمر صوتها يغيب في الزمان
    يجوز يبقى هامس
    يجوز يبقى لامس
    يجوز يبقى عالي لحد الصراخ
    ولا عمر أبداً صورتها هتخفى
    صورتها ف عيونك صبيه عفـيَّه
    باشوفها ف جبينك
    باشوفها ف ملامحك
    باشوفها في خوفك عليها يا شاعر
    في كونك ورسمك
    وهمسك ولمسك
    في صوت عب حليم
    اللي لسَّه ف ودانك
    ولحنه في قلبك بينعش هواك
    في بنت الجيران الي شاغله خيالك
    في لعب العيال الشُقاي في الحواري
    بترسم في وش الكبار ابتسامه
    برغم المرار ..
    برغم اللي ماتوا في قطر الصعيد
    برغم اللي ماتوا في وسط الميدان
    في ثورة يناير ..
    برغم الحصار ورغم البوار
    ورغم اللي عايز يكون الإله
    بلادك ما زالت على الأرض باقيه
    بتزرع وتفلح عيون الأمان
    بتسأل يا صاحبي بتكتب لمين .. !!
    ودمعة عيونك بتنزف أنين
    وتبعت رسايل ليلاتي في خيالك
    ومين يسمعك ..
    دا كونك يا شاعر رقيق المشاعر
    ورقة مشاعرك بتاخدك بعيد
    تصوّر ..
    وترسم لنفسك حدود الوطن
    وطن قلبه أخضر
    وتفرش عيون البراح ابتســام
    وتحصد لنفسك وغيرك سلام
    دا حقك يا شاعر
    تصوّر خيالك ..
    وترسم لنفسك في قلبك وطــن
    بلونك وصوتك وبسمة عيونك
    وحلم الصباح
    ورغم اني حاسس
    بجرحك في شعرك
    ورعشة مشاعرك
    بيعجبني قولك ..
    ( أنا حي لسّه ..
    بوار الأراضي ما دبلشي عودي )
    ولا تخفي ذاتك في ذاتك تموت
    ذوات الكتير من زمانك في ذاتك
    تدوم الحياه ..!!
    ولا تدعي ع اللي في يوم أمنوا ماتوا
    ولا يوم تخاف م اللي ماسك في إيده
    عصايه لسكاتك
    ودوس ع الزناد اللي ساكن قصيدتك
    كلامك رصاص
    فنشـِّن في عين الغريم / الضلام
    ماتخشى المشانق
    ونصك هيبقى شهيد الحقيقه
    ولو موتوك
    ولا عمره يبقى مجرد تداعي
    لنص اغتراب
    ...





    أبدعت يا صديقي الجميل نبيل مصيلحي

  3. #3
    Senior Member
    تاريخ التسجيل
    Jan 2005
    المشاركات
    176

    افتراضي

    شكرا صديقي الأديب / محمود الديداموني
    خالص مودتي
    نبيل مصيلحي

+ الرد على الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك