آخـــر الـــمـــشـــاركــــات

+ الرد على الموضوع
النتائج 1 إلى 3 من 3

الموضوع: ( كل واحد له في نن القلب عـزَّه ) .. شعر / نبيل مصيلحي

  1. #1
    Senior Member
    تاريخ التسجيل
    Jan 2005
    المشاركات
    176

    افتراضي ( كل واحد له في نن القلب عـزَّه ) .. شعر / نبيل مصيلحي


    كل واحد له في نن القلب ( عزّه )
    ـــــــــ شعر / نبيل مصيلحي
    آه يا ( عزّه )
    بعد صبري ...
    اللي جف عيدانه في قلبي وكياني
    بعد هجر النور لعيني
    واحتباسي جوه شرنقة الظنون
    بعد ما اشتاقت أهاتي للحياه ..
    جوّه أيام الفرح
    مس قلبي كل خوف ..
    كنَّـا بعد شويه ..
    مش عارف حسابها .. يبقى إيه
    تبقى لحظه ..
    أو سنين ..
    أو أنيين ..
    أو عذاب ..
    آه يا ( عزَّه ) م العذاب ..!!
    وانتي جوَّايا سجينه
    كل حاجه شافتها عيني اتلخبطت
    هوّه بعد الصمت قول ..!!
    هوَّه بعد الموت هيبقى فيه خلاص ..
    ونقوم ..
    ويبقى فينا نوح ..
    فينا موسى .. فينا عيسى .. فينا طه
    يبقى فيه في الكون صلاح
    الحقيقه شمس ما بتخفاش لعين ..!!
    إحنا إيه ..؟!
    إحنا ليه راضيين بليل قاسي وحويط
    إحنا ليه راضيين بقهر الريح
    وسلطانه المميت
    إحنا ليه عايشين في حضن الموت ..
    ما بنعافر ..
    ونفلت من إيديه
    إحنا إيه ..؟!
    والسؤال ..
    بيحز فيَّـا كل لحظه بحبل غربه
    يخنق الكلمه الجواب
    والسؤال ..
    كاس من جهنم بيراودني
    دمعتك مرَّه في قلبي
    دمعتك كالمهل يشوي الشوق في روحي
    دمعتك مرَّه يا ( عزَّه )
    آاه يا ( عزَّه )
    يا عزيزه ..
    وكل عزِّه ليكي واجب
    كل واجب ليكي فرض نأديهولك
    مهما كان بُعده ومداه
    مهما كان في شتات محال
    أو في حضن أسود وموت
    كل حق مسيره يرجع يوم لصاحبه
    وانتي صاحبة كل شيء
    إنتي ليكي معزَّه أبيض م البياض
    مهما كان جبل الخلاف في الرأي .. أبداً
    عمرنا ما كرهنا بعض ..
    عمرنا بنحب بعض ..
    كلنا دايبين في واحد
    بس ..... هيَّه البس تفصل .!!
    بعد عسره استنزفت روح الحياه
    زودت طعم الوجع
    انتفض جوَّانا مارد
    كان مفرَّط يوم في حقـُّه
    قام يغيَّـر
    يطوي صفحة عتمه طالت
    مددت فوق كل نور /
    فوق كل نوَّار للأمل
    قام وروحه بين إيديه
    قام يجيب الشمس والقمر اللي غاب ..
    جوَّه حضن الغيب ضياهم
    قام يجيب الحلم من بُق الضياع
    قام يقول للعتمه لأه بعلو صوته
    قام وكات القومه هيَّـه
    ثورة البركان تدمر في طريقها هوان وخوف
    ثورة البحر اللي فاض ..
    يغسل شطوطه م السكات
    ثورة الأحلام يا ( عزَّه )
    آه يا ( عزَّه )
    وانتي عارفه يبقى معني الحلم إيه ..!!
    روح تموت أو تعيش جوَّه الجسد
    بس صبح الثورة لسَّه بيداريه
    عتمه وضلام
    بيداريه
    كتر الكلام
    لسَّه عين الغدر
    راصده خطوته
    لسّه إيد البطش ممدوده
    بتطفي شمعته
    لسَّاه كما لو كان وليد
    محتاج
    لحضن امه وابوه
    محتاج
    أخوه ورفيق طريق
    محتاج لأهله ..
    صدر أوسع م البراح .. بيشب فيه
    محتاج
    إيدين ترعاه يقوم
    يمشي يملا الكون ضياه ..
    آه يا ( عزَّه )
    لو يغيب الصبح تاني ....
    كلنا في العتمه هنعيش الموات
    ....



  2. #2

    افتراضي

    كلمات جميلة في حب عزة ...
    وهل أغلى من عزة لنكون

    العزة تلك التي ترفعنا لنكون بشراً ..
    وبدونها لن نكون ..


    قصيدة كلها عزة

    أغنية الشلال: إني أهب بفرح مائي كله .. مع أن القليل منه يكفي للعطاش


    سألت فأس الحطاب الشجرة مقبضاً ... . فما ردتها الشجرة خائبة .

    طاغور

  3. #3
    Senior Member
    تاريخ التسجيل
    Jan 2005
    المشاركات
    176

    افتراضي

    [align=center]
    أخي / سالم

    خالص مودتي

    زيارتك أسعدتني فأنت من أصدقائي الذين لم أتقابل معهم
    وأشكر لك مداخلتك ..
    تحياتي
    نبيل مصيلحي
    [/align]

+ الرد على الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك