المساعد الشخصي الرقمي

مشاهدة النسخة كاملة : الهوى هوايا والنت معايا



أميرة
06-18-2003, 06:18 PM
ياما هويت وياما اهتويت
B

لا أحد يحسب اني "اقصدني" بهالعنوان ..لامنيب كفو بس هذا مقطع لأغنية مغنيها رابح صقر هالنجم الرائع في تحريك الردح في العروس وغيره, فديت خشته اللي ماكله صورته الشريط كله يغيب يغيب وتخف الاعراس ولا رجع بشريط كثرت العروس " سبحان الله نزل شريطه الصبح ..الفجر ثاني يوم لقيت شقوق في الأرض عند صالة الافراح اللي جنب بيتنا وصل جدران غرفتي" ,المهم ان الشريط يوم نزل اذكر اني سمعت اول اغنية ماعجبتني ....لكن يوم شفت الصورة حقته على الغلاف وربي عذرته لاني شفت فيه المصداقية اللي تصور لنا جودة الشريط وأهدافه "اللهم لك الحمد باقي له شهر وست ايام على الخمسين وعاده يركب دباب" المهم انا مابغى احش فيه لاني مابغى اعطيه فرصه ياخذ شي من حسناتي. بس ابغى اتكلم عن الحب وياكثر ماخضت فيه بس بتكلم هالمره عن الجانب الثاني وقضية الحب من طرف عشرة.والضمير المستتر في الأنترنت.

أذكر أن فيه وحده معي بالمسنجر منيب قايل اسمها, دلوعه الله يستر علينا وعليها عشان مافضحها تقول انها من تعرفت على الانترنت حبت 23 مره وخايفة من المستقبل لاتفلس, المهمأن القضية اللي حيرت العلماء "أقصدني" انه كيف تقدر تدغدغ عواطف البنت وخاصة انك في الهند وهي بالسند فلقيت المسألة سهلة جداً تكمن في عمل إحصائيات على مجموعه من البنات وتحاول تمييز كل بنت على حده وتوزع بلدانهم وتوزع هواياتهم وتوزع اعمارهم وتحاول تجيب قدر طبخ وتحطه على النار وتحط قليل من الأبتسامات وقليل من مقاطع الشعر وقليل من الحظر وكثير من الحذف وعقبه تحط القدر على النار وتستنى تستوي ولا استوت حلني ياضميررررررررر تعرف شخصيتها وفعلا توصل العلماء " اقصدني" الى مسأله مهمة وهي انعدام الضميرررررررررر عند جميع الأطراف "طبعاً ما أقصدني ابد" ومن هالمنطلق تبدا تسن انيابك في معرفة اسهل فريسة الى ان تصل اصعبها والميزه الوحيده انك في النهاية توصل "سهرتنا الليلة خلوها صباحي.." المهم ان انعدام الضمير وخلق فكرة مجرد نت ترك حالة غريبه في داخل مستخدم النت وهو انه العب ووسع صدرك وفي النهاية بتسكر الجهاز ولااحد بعارفك وينتهي كل شئ وفعلا هنيت العلماء "أقصدني" على هالاكتشاف الرائع.. لكن بقت مسألة صعبة كيف أقدر ابين للغبية انها غبية وللذكية انها دلخ ؟ جد لقيت فيها صعوبه لكن استلهمت فكرة ذاك الدب اللي يوم حاول يحب له بنت في النت وقالها انا جسمي رياضي((يقصد طبعا جسم الجاكوزي)) المهم ان الدب هذا حير العلماء "اقصدني" كيف استطاع انه يكذب وهو في النهاية حكم على نفسه بأنه مايشوفها أبد.. واتضح ان خلف ابوي هالدب كله ضمير حقيقي فديت خشته لكنه كذب بطريقة فيها عدم ضمير حب انه يضع لنفسه حدووووود ولايتعداها , انه لو جا يوم وحب يشوفها بتبان كذبته " هي بتبان بس ؟؟وربي سور الصين العظيم مايخفيها" المهم انه عنده ضمير وغير كذا حب انه يتسلى بحب هالشينه اللي هي برضو من جانبها بكل قلة ضمير وكذب قايله له ان باسكال رافعة عليها قضيه عشانها تقلد خشتها ((الله عاد من زين الخشه انا قلتها مثال بس من كثر مايحكون عنها عديمين الذوق والا مره رسمت شنب على وجهها وعقبها وربي حمدت ربي انها ببيروت وانا بالخـــــبر)) المهم ان الضمير وانعدامه في صالح الكل لانه لو كل طرف كان عنده ضمير في تعامله مع الطرف الثاني سنجد فساد عظيم يجمع قوالب مشتته فكرياً ونجد ان الروح بدت تذبل في صهر الكرامه وانحلال الاخلاق وربي مايكسر خاطري في هالموضوع كله الا الاباء وثقتهم في بناتهم, تجد الاب بكل طيبه وحنيه ابويه يبغا يلبي لبنته سبل الراحة والترفيه والمتعه الشريفه وتجد اللي عندها ضمير وبكل ضمير سلمت هالشارب لضمير حي ثاني يدهن الزبده بالمساء ويمسحها على شارب ابوها في الصباح.. ومن هالمنطططططللللق

ادعووووووووكم دعوووووه قووويه قووووووووووووويه قوووووووووويه لانعدام الضمير والاخلاق النتيه لرحمة شوارب الغافلين..



© الحقوق محفوظه لشبكة شجون
بتصرف بالعنوان فقط (أمورة)
3

ريم
06-19-2003, 01:25 PM
موضوع رائع وحساس في قالب أدبي ساخر

رائع يا أميرتي الغالية 7

شهرزاد
06-24-2003, 03:51 PM
لكن يا ميرة

يبقى هناك سؤال مهم

أليس الحب كيفما اتفق وحدث هو حب ؟

ألا يمكن أن ينتج لقاء عبر الكلمات الصادقة حب ؟؟

أتمنى ألقى إجابات أميرة منك أو من غيرك لأن الموضوع يستحق البحث ..