المساعد الشخصي الرقمي

مشاهدة النسخة كاملة : وعلم يرفرف فوق ( واشنطن ) بالجراح .. شعر / نبيل مصيلحي



نبيل مصيلحى
12-06-2015, 12:31 AM
وعلم يرفرف فوق ( واشنطن ) بالجراح
ـــ
شعر / نبيل مصيلحي
ــ
ظهرت غباوتك يا ولا أول وآخر
في المبتدا كنت المفيش ..
اللي مالوش في الكون وطن
كنت الحرامي اللي سرق أرض العباد
برصاص ما يعرف إنسانيه أو ندم
بنيت على جتت الهنود مستعمرات
عصابات يهود
من كل أنحاء الشتات
ونفوس / لصوص
ولصوص / نفوس
( كاوبوي ) ما يعرف غير ( بقر )
مايهمهوش غير لغتصاب
غير إنه ينهب م الجيوب الطيبه
عُلما سرق .. حُكما سرق
خـُبرا سرق
من كل أجناس المهن
مد الإيدين في الليل سرق /
ونهار سرق
مسروق على مسروق
الكوم عِلي
كوم النهايب والسرايق والعبيد
السود على شط الحياه
في قفاص حديد
متمردغين
بيدوقوا ألوان العذاب
كلاب / دياب
دياب / كلاب
أنياب طمع
تنهش في لحم الساكتين
ولقيت على سدر الخريطه لك مكان
وعلم يرفرف فوق واشنطن بالجراح
مهما عِلي صوت النباح
أمريكا بنت سفاح لعين
سفاح بيولد من سفاح
ولايات كتيره معرشه
جميزه لكن خاويه
مدهش قوي
أمَّه من النهب اتبنت ..!!
وبقت زعيم كل الأمم
بالكذب والغدر الذي ..
ملك الرصاص المفتري
بالدم .. إيه يعني البشر ..!!
إمتى وفين ..؟!
كنتي على وش البسيطه معجزه
إيه يعني الخمسميت سنه ..!!
من عمر ( إيجيبت ) الأبي ..
والأهرامات
من عمر ( بغداد ) البعيد ..
ونهر دجله والفرات ..!!
عمرك بيخلق في الحروب
فيموت مسا
ويموت صباح
أسواق سلاح
لجل الغوايه وعنصريه مُتعسه
تعلا على جتت الجميع
والإنسانيه غائبه
سلسال شيطان
بشماله ( شرش ) من الجزر
في يمينه أكبرها عصا
عمرك يا أمريكا ما هتعيشي
ف هدوء
العنصريه في قلب لابيض نائمه
نوم التعالب والدياب
مهما هتلبس أقنعه
مهما هتدعو للعداله الناجزه
مهما عِلي منهم رئيس
هياهه فيهم داهيه
واتقسِّم العالم مابين حبة لصوص
و( الفيتو ) لساه طاغيه
كل العجم زرعوا اليهود
بنفس أسلوب لامريكان
عصابات بتقتل في العرب
من كل شئ تسرق مكان
وع الخريطه أصبحت دوله وحق
أظلم قرار
لمنظمات في الأصل هيَّا كالخازوق
و ( إسرائيل ) أصبحت فوق الكتاف
وبتعلى فوق كل الرؤوس
يا بنت أكبر كاذبه يا ( إسرائيل )
فاجره وأكبر فاحشه
أمريكا لازم تختفي
مهما بقت في الكون زعيم
أمريكا لسَّه ف قلبها عصابات كتير
وبرغم كونها الرائده
أمريكا شابت من زمان
من يوم رسمها الظلم فوق وش الخريطه
بلاد حرام
وقلوب ضلام
وشيطان ما يعرف أي معنى للسلام
ــ