المساعد الشخصي الرقمي

مشاهدة النسخة كاملة : مما راقني



العنب
05-22-2009, 12:56 AM
شعراء النبط تحدثوا بلغتهم الدارجة ،، لكنهم عبروا عن أحاسيسنا ،، هذه أعجبتني عساها تعجبكم


أقول للي ما يناظرني
يحس إن بعض البشر دونه
سلام له يا عزوتي مني
ورد الهوى بانثر على جفونه
ما عاتب اللي ما يعاتبني
أبو شعر وخدود مزيونه
أصبر لعله يوم يفهمني
يوم ٍ يسد الشمس بقرونه
أبيه لو غايب يطمني
والروح له مهره وعربونه
أشوف له حق ٍ تجاهلني
شاعر يجس النبض بظنونه
حسيب أصله أصل ما يدني
من تهمة ٍ في القول مدفونه
أنا اعذره والشوق يعذرني
له نفس مثل الكنز مكنونة
أديب هو ، أدري ويقهرني
لما أناظر لمحة عيونه
كنه يغيظ ويشتفي مني
وأنا عليه أسجل ديونه
بس الحقيقة ما تحيرني
حربة على الجهال مسنونة
ودي يعيش الدهر متهني
لا يغلبه همه ولا شجونه
بافرح ولو فعله يزعلني
يمشي على هونه على هونه
هذا الأصيل ولو جمح عني
كل احترامي له وانا عونه
أعتز به من شيمته واثني
على مهاة العز مصيونه