المساعد الشخصي الرقمي

مشاهدة النسخة كاملة : فزورة



سيد الموجى
12-16-2006, 05:04 PM
فزورة

سيد الموجى

المجلس المحترم قَبَل اعتذار البيه
وهو كل اللى قاله مازال مُصٍر عليه
اللى اعتذر مين لمين ؟ فزّورة جايزتها
أكبر رقم فى الفلوس عدّيته ( ألف جنيه ) !
****
ومعذرة يا أمير المؤمنين يا ( فاروق )
لقبك شالوه – للأسف – مخاليق فى غاية السوء
آخرهم اللى بيفتى فى أمور الدين
بدون يقين ، بل بسطحية وقلة ذوق !
****
إسلامه – بصريح عبارته – أربعة أركان
مع إن إسلامنا خمسة فَرَضهم الرحمن
قلنا له ومازلنا بنقول له مافيش فى الدين
تكعيب ولا سيريالية جديدة يا ( فنان ) !
****
سمع الكلام اتلوى ، نَوَى الاعتكاف فى البيت
قلنا ياريت الكلام دا يكون بِجَد ، ياريت
لكن يا فرحة ما تمّت عاد لنا تانى
وكأنه بيقول لنا أنا غصب عنكم جيت !
****
فزورة سهلة ف زمن صعب ومصايبه كتير
متغلّفة بادّعاء حرية التعبير
بادئة بكاريكاتير مسىء للمصطفى المعصوم
واليوم بتكمل بفتوى فى الحجاب لوزير !!

سالم
12-17-2006, 09:17 AM
أهلا بك أخ سيد

بداية ترحيب بك عارم عبر الياسمين ودربه

وثانيا بالنسبة للفزورة ..
وقبل الحل لازم نضمن مافي مخبرين وزبانية .. يسجلو الهمس والحرف ..ويحصوا الأنفاس.
مو معقوا واحد يستغني عن عمره عشان ألف جنيه ، يابيه ..

وأهلا بك ومرحبا

أبوشام
12-17-2006, 12:34 PM
وأهلا بك ياسيد بيه ...
واللي قلته موافقين عليه ...
لكن: ماتوديناش إحنا بداهية
مابين وزير وحاشية وأمير ...
في السر عمايلهم نيله ومايلة
عالشاشة نشوفهم حاجةهايلة...


ومرحبا بك.....

سيف الدولة
12-18-2006, 06:59 PM
كلمات فزورتك جيدة وربما أجد حلها عند أي وزير

سيد الموجى
12-19-2006, 02:18 PM
أهلا بك أخ سيد

بداية ترحيب بك عارم عبر الياسمين ودربه

وثانيا بالنسبة للفزورة ..
وقبل الحل لازم نضمن مافي مخبرين وزبانية .. يسجلو الهمس والحرف ..ويحصوا الأنفاس.
مو معقوا واحد يستغني عن عمره عشان ألف جنيه ، يابيه ..

وأهلا بك ومرحبا

عزيزى / سالم
أسعدنى مرورك الكريم بصفحتى المتواضعة
أما عن المخبرين فأرجو ألا تعيرهم أى اهتمام لأنهم أصبحوا أكثر من ( المُخبر عنهم )
ولكن يبقى دائما لدينا أمل فى حل قريب لكل الفوازير
ولك منى عاطر التحايا

سيد الموجى
12-19-2006, 02:42 PM
وأهلا بك ياسيد بيه ...
واللي قلته موافقين عليه ...
لكن: ماتوديناش إحنا بداهية
مابين وزير وحاشية وأمير ...
في السر عمايلهم نيله ومايلة
عالشاشة نشوفهم حاجةهايلة...
ومرحبا بك.....

إذا لقينا وزير ع الدش
هو يدش واحنا ننام
مادام كل اللى بيقوله
على رأيك كلام فى كلام
ومش جايز مشاكلنا
يكون لها حل فى الأحلام ؟
وفى الأول وفى الآخر
تحياتى إليك يا ابو شام !

سيد الموجى
12-19-2006, 02:46 PM
كلمات فزورتك جيدة وربما أجد حلها عند أي وزير

انت وشطارتك يا أخى سيف الدولة
لكن صدقنى
الحل مش سهل
ولك منى خالص الود

محمود الديدامونى
01-01-2007, 01:25 PM
جميلة هذه الفزورة يا استاذنا يا كبير
تحياتى لإبداعك الراقى

الزهراء
01-01-2007, 03:55 PM
[CENTER]والفزّورات تلك لا تنتهي, والجوائز ما تزال في ازدياد
والرّصيدُ الأكبر لذلك الّذي تمادى في معرفة الأمور
وتحرش ومات وقال وجال وصالَ في أزقة وطرقات
الموت والحياة والخيانة والوفاء, وما تزال دورة الحياة
مستمرة, وما زال الهجوم شرساً, لن يحرموا إيّ إنسانٍ
يعارضهم أو يقفُ في طريقهم, لا مكان للإنسانية اليوم
سوى في أضغاث الأحلامِ ولا أكثر..
كنتَ رائعاً..!
/
\
تحياتي..
الـزّهراء..الصّغيرة

سيد الموجى
01-06-2007, 10:07 AM
عزيزتى / الوهراء
وبرغم كل شىء ستبقى الأمة صامدة فى وجه كل من أراد بها سوءا وهم بلا شك كثر من حولنا ولكن نصر الله قريب بعون الله
دمت بكل خير