المساعد الشخصي الرقمي

مشاهدة النسخة كاملة : دعوة لزيارة بيت ربا الياسمين



سالم
04-02-2003, 06:45 PM
عطر الدرب ربا الياسمين أختنا الغالية

ورفيقة هذا الدرب الوفية المعطاءة

أسست بيت صغير فيه دفء وعطر وكثير من ياسمين

لم لا نزورها ونقدم لها من قلوبنا زهور الياسمين

تفضلوا .. يوجد كثير ياسمين

ملتقى الإبداع (http://almultaka.parmaja.com)

ربا الياسمين
04-02-2003, 07:12 PM
شكرا أخي العزيز
فاجئتني
أهلا بكل الأصدقاء
اطلبوا واتمنوا كاتو بيتيفور شاي قهوة مرة عربية
بتشرفوني بزيارتكم 13 11

الخنساء
04-02-2003, 08:41 PM
بدي كاتو
وعصير برتقال طازج

مبروك ربا الياسمين
راح أزورك عما قريب 13



تحياتي .....ـ

خلود
04-03-2003, 09:54 AM
الف مبرووووووك يا ربا الياسمين..

سالم
04-03-2003, 11:46 AM
أنا بدي ... عصير فواكه وتوت شامي
وبدي راحة بالفستق الحلبي

ربا الياسمين اتركي لي مهمة استقبال الخنساء وخلود .. وبقية الياسمينات .. وأنت اهتمي بصنع القهوة وما إليه من أمور .. 11

باسمة
04-03-2003, 12:20 PM
ألف مبروك يا ربا
بس بدك ما تآخذيني
ما بتنقضى معي بقهوة و بيتيفورات
بدي شي يفش القلب
يعني عشا على أصوله و تقانينو
شو قلتي

ألف مرة مبروك يا ربا
يجعله ديارك عامرة دائما

ربا الياسمين
04-03-2003, 12:23 PM
تكرم عيونكم 13
طلباتكم مجابة

سالم
04-03-2003, 01:41 PM
باسمة أنا وأنت على طاولة واحدة .. لأني جوعان

خنساء وخلود أكلوا الحلويات .. لوحدهم ..

11 11

باسمة
04-03-2003, 01:50 PM
اي لعيونك
انا بيصح لي كون معك على طاولة واحدة و بقول لأ ؟
يا ريت
ده يوم المنى يا سلملم
و مين اللي أكل الحلويات كلها ؟
بشو بدنا نحلي بعد المالح ؟ 10

سالم
04-03-2003, 02:03 PM
يا ريت ..
الله كريم ... يا رب

لا تهتمي ... هدول خنساء وخلود ... ما خلو حاجة .. صحة على قلوبهم

على كل حال أنا طلبت من ربا راحة بلفستق ..

ليش الملح .. شو العشا .. بزر .. ومخللات .. 6

ربا الياسمين
04-03-2003, 03:40 PM
اطمنوا يوجد بوفيه مفتوح كل شي موجود وإذا خلصت الحلويات نجيب غيرها بسرعة ولا يهمكن 6
و الراحة بالفستق موجودة جوا هلأ بطلعها
سالم على مهلك ما خليت لحدا دور لسا الضيوف ما اكتملوا 1

زهرة الوادي
04-03-2003, 04:20 PM
والله احلى بيت لاحلى ربا ياسمين

وانا كمان بجي هنيكي واذا بدك بجيب معي العصير 1 6

ربا الياسمين
04-04-2003, 11:47 AM
انت تعي وواجبك بيحضر 5
أهلا وسهلا بالجميع

من أنا؟
04-04-2003, 12:08 PM
اطمنوا يوجد بوفيه مفتوح كل شي موجود وإذا خلصت الحلويات نجيب غيرها بسرعة ولا يهمكن 6
و الراحة بالفستق موجودة جوا هلأ بطلعها
سالم على مهلك ما خليت لحدا دور لسا الضيوف ما اكتملوا 1
انا من أنا ؟ في حدعزمني؟ ترا من غير عزومة أنا ما بدخل لأن نفسي عزيزة
انتو اعزموني وصدقوني ببيض الوجه وابيض الصحون كمان شو رأيكن ؟؟؟

وبعدين يا سالم انا يلي ما بعرف مين أنا طلبت منك شيئ ما ليش متلبي طلبي
واوعك تسأل شو هو الطلب
طلبتوا منك في أمر خاص ، وحتى اني أذكّرك بكلمة { شوووووووووووووووو } تذكرها ؟؟

ربا الياسمين
04-04-2003, 12:18 PM
الدعوة عامة وحتبقى لمة
الكل مدعووين
وأصلا أنتو أهل البيت وما بدكم عزيمة مش كده ولا إيه
أهلا بك مين أنت ومين أنا 9

أبو حسّان
04-04-2003, 12:32 PM
اني اشم ريحة طبخ ونفخ وعزايم ، والله يا حيف ما حد منكن تذكرني وقالت في نفسها يوجد هنا ختيار عجوز مكحكح ما حد فطنان له ولو بحبة بقلاوة أو حبة معمول 3 2 16

ربا الياسمين
04-04-2003, 12:36 PM
حصتك محفوظة اطمن يا ابو حسان
خفيتها عن سالم 6

اشعة الشمس
04-05-2003, 10:40 AM
الأخت ربا الياسمين

الف مبروك على ملتقى الابداع.
وسنتوافد عليه قريبا جدا.


تحياتى
اشرف

ربا الياسمين
04-05-2003, 11:32 AM
أهلا بأشعة الشمس
سوف تضيء لنا الموقع بنورك 1

madamdalal
04-05-2003, 12:09 PM
ماشاءالله لا قوة الا بالله ....
موقع رائع وراقي جدا

قراءت بعض اسطر الشعر فيه فشدني مدى ابداع كتابها وقدرتهم على صياغة الحرف العربي , بجمال ..
ربما اكون ضيفه على الموقع غير مشاركه
إذ أن ((النحو)) لدي مهجن :) وقد يضيع وقت المراقب وهو يحصي احرفي الضائعه
واحرفي المائله
واحرفي المختفيه خلف احرفي الظاهره:)


مبروك الموقع

ربا الياسمين
04-05-2003, 12:20 PM
أهلا بك يا عزيزتي
أهلا بك في بيت أختك الصغير
أنت من أهل االبيت
وشكرا على الإطراء 13

أبو حسّان
04-06-2003, 07:41 PM
حصتك محفوظة اطمن يا ابو حسان
خفيتها عن سالم 6
***********
أبو محمد حبيبي وأخي ، أنا ما أقبل اني أخفي عنه شيئات ، يريحني ان هو أكل قبلي وان بقي شيئ ما لا مانع آكل مما يتبقى من فضلته

ربا الياسمين
04-07-2003, 04:23 PM
شو حتعملولنا بيت فستق هون
أنتو تعوا وا يهمكن 6 5

كارلوس
04-07-2003, 06:19 PM
مبروك ربى و ارجو من الله لك خير عطاء و رضى و رحمة
و الف شكر لدرب الحب و الياسمين الغالي على دعوته الرائعة

متأخر ما 11

سالم
04-08-2003, 01:44 PM
ربا الياسمين

شفتي أبو حسان قلبو إلي
أبوس روحك أبو حسان

ربا الياسمين
تعي لنشوف .

شو قصدك بيت فستق خيتووو ؟ 6

ربا الياسمين
04-08-2003, 04:14 PM
يا ابن الشام
لسا ما نزل البطيخ اطلب طلب معقول
كارلوس
أهلا بك في بيتك ولست متأخرا
سالم
بيت فستق يلي بيحبوا الراحة بالفستق مش كده

13 1

فادي
04-08-2003, 04:59 PM
مبروك للموقع أن تكون "ربا" صاحبته 1

يالله يالله ،، دستور

"ربا" ،،

إرميلك بطيخة و كام أنّينة قازوز في هالبحرة ليبردوا على ما نتغدى ،،
القعدة في أرض الديار بتشرح الصدر ،،

عمّي أبو حسان ،،،
تعا جنبي ،، اشتهيتلك هالكوساية المحشية 6

باسمة
إنتي جنبي ولا جنب سالم ؟
إش إنّو لأنّو القعدة مع "محشيات سالم" ،، غير شكل 9

ريم
04-09-2003, 12:55 PM
هل أنا معزومة على الحفلة عند ربا الياسمين
حيث أنا أريد مندي باللحم ومثلوثة بتعرفي تطبخيهم ربا
أم نوصي عليهم عند المطعم 11

ربا الياسمين
04-09-2003, 04:39 PM
لا مندي ولا غيرو
اطلبلكم من المطعم أحسن 5
أهلا بك ياريم في بيتك 10