المساعد الشخصي الرقمي

مشاهدة النسخة كاملة : صديق عزيز نزل بينكم فهل ترحبون ؟



رفيق الأحزان
02-13-2003, 09:57 AM
السلام عليكم

5

شو عم تعملو ؟؟؟؟؟؟؟؟

بدي قول وين راحو الحبايب 7

تاريكم هون وانا دايخ ادور عليكم 12

والله ويا ميت مبروك يا سالم .. منتدى جميل

لا ينقصه شيء .. كل القلوب الطيبة هنا

بس ناقصكم انا 10 ليه ما خبرتوني

8 بمزح 5

الله يعطيكم الف عافية يا رب

مبروك علينا البيت والاسرة الجديدة

برئاسة سالم الياسمين

كترو الزعامة 6

ما قلتلي سالم

في هون حرب مع النونات 8

هاهاهاهاهاهاها

بمزح

على كل حال اهلاً وسهلاً فيني بينكم

واتمنى اني اكون خفيف الظل

وراح ساعدكم باللي بتطلبوه مني

صور تواقيع .. اي شي

انا في الخدمة

ولكم مني اجمل التحايا

يوسف الياسمين 11

أبو حسّان
02-13-2003, 10:05 AM
ولك اهلين بالطيبين يا طيب اذا ما أوسعك المنتدى توسعك البطون أقصد القلوب والعيون
اما حرب على النسوان نعم أنا ولعتها هنا وهناك عسا من يساندني عليهن بحربي ، ولك هذول النسوان .......آخ منهن شو طيبات منهن ألأم والزوجة والأخت والأبنة يا عيني البنات ما أحلاهن وما أحنهن على الوالدين
بس لأجل انو راسي يابس يابا انا هيك بدي

سالم
02-13-2003, 10:07 AM
أهلا بالحبيب الغالي يوسف

يا حبيبي كيف ما عندك خبر

يوجد موضوع يبلغكم الخبر في ملتقانا الكبير الكهف

على أية حال أنت لا تحتاج دعوة .. أنت من أهل الدرب
درب الياسمين ...
بين أحبتك وأخوتك إن شاء الله

والحقيقة التهنئة لكم بكم .. فهذا المكان لقلوبنا كلنا .. لنا .. لكم .. لي .. لكل أخ وصديق عرفناه وعرفنا من خلال المحبة والأخوة في الله .

وبعد:


مطلوب منك تصميم لكلمة درب الياسمين تكون ألوان هادئة وحالمة وعلى شكل درب فيه ياسمين

يعني صورة تعبر عن اسم المكان
تصلح لتكون في الواجهة أعلى المنتدى
تكون .. عرضها بعرض صفحة المنتدى
والارتفاع لا يتجاوز 3سم
يللا ورينا رسمك الجميل يا حلو ..

أبو حسّان
02-13-2003, 10:10 AM
ولك يوسف شو أنا قلت لك ؟؟
شايف كيف ألأحبة فرحو بقدومك
أي هيك حبيبي ولعها ونورها

رفيق الأحزان
02-13-2003, 10:27 AM
يا هلا بالطيبين

من عيوني يا سالم .. راح سويها بكل سرور 6

اعطيتني الارتفاع بس الطول كم ؟؟

ونوع الملف gif or jpg or swf

د لي خبر خليني ابلش فيها

ولكم مني تحياتي الحارة

(( ايقونة وردة حمرة ))

5

أبو حسّان
02-13-2003, 10:41 AM
قال لك ارتفاع ثلاث سم وبعرض الصفحة ، راجع واقرأ ما طلبوا منك

وهذه خربشة من خربشاتي تحياتي

رفيق الأحزان
02-13-2003, 10:52 AM
8
5
5

احلى عم في الدنيا

بوح الياسمين
02-13-2003, 10:56 AM
أحلى يوسف ........ مبروك للجميع مو بس لسالم

المنتدى للجميع هنا ..... وبلاك وبلا الناس الطيبه ما حلو ابدا 5

ملاك يافا
02-13-2003, 11:05 AM
اهلا يوسف
هنا وهناك وهنيك وهون وهون 12

1

أبو حسّان
02-13-2003, 11:07 AM
أهلا وسهلا بعطور بلادي ، بعطور برتقال يافا
وهذه خربشة من خربشاتي
ختيار الياسمين

رفيق الأحزان
02-13-2003, 02:27 PM
5

نفس العصابة .. كلنا هون .. 9

اهلاً عمي ابو حسان ...

اهلاً ح بيبي ....

اهلاً ملاك يافا ....

نورتونا وانستونا ..

ويا ميت مرحبا فيكم

البيت بيتكم .. لا تستحو ..

اقعدو ليش واقفين .. اتفضلوا في قهوة في شاي

ما في شطف 8 وما في جلي ولا غسيل

5

اهلاً وسهلاً

11

كارلوس
02-13-2003, 04:22 PM
يوسف 10

كمان بدك مين يرحب فيك هون
ولك انت من فروعنا الاصلية من القلب و الى القلب 11

6

رفيق الأحزان
02-13-2003, 07:33 PM
5

حبيب قلبي ورفيق حزني كارلوس

كيفك يا غالي .. منور المنتدى

بهديلك .. الله الله ..

انا صرت من فروعكم .. يعني وكيل في طولكرم

عن منتدياتكم 5

هاهاهاهاهاهاهاهاها

8 بمزح 11

تحياتي لكم

قال انا جديد قال

9

رفيق الأحزان
02-13-2003, 07:35 PM
كل يوم اعانق فيه درب الياسمين

تفوح روحي مع عطره ويزدهي الحنين

هذه دنيتي التي اعيشها معكم انستني

الحزن وادخلتني جنات السعادة

وبساتين الياسمين

رفيق الأحزان
02-14-2003, 11:13 AM
4

خلوووووووووووووووداااااااااااااااااااااات

انت وين ما اروح وراي

وراك وراك 5

لك اهلين بهالقامة وهالعين .. والله ما في طوارئ هون

لسة المشفى عم بجهزو فيه 8

بس اكيد نهايتي على ايديكن يا نونات 5

بمزح خلود .. وهون ما في حرب .. هون درب ياسمين

بعدين سالم مش فاضي يفزع بيناتنا .. مشغول وما بدنا

نطبش لو المنتدى لسة ما فرح فيه 11

اهلاً وسهلاً فيك انت وباسمة حليفتك وتوأم روحك ..

6

تحياتي لك وللجميع

يوسف

11

خلود
02-14-2003, 07:21 PM
اهلا وسهلا برفيق الاحزان ...طيب مافي ايقونة اسعاف هون 6

طيب انت اعمل الصورة كما طلب سالم وانا راح اشوف اللازم
بتعرفني لي سوابق بدمج وحذف الصور 5