المساعد الشخصي الرقمي

مشاهدة النسخة كاملة : &&وليدي .....وعصابة الاربعين ...



madamdalal
02-03-2004, 02:09 PM
...........قصه واقعيه وتجربة ام حقيقيه ..:)
عندي وليد شاق الارض .. متجمعه فيه خصال مختلفه ...ذكي جدا لكنه جبان
داهيه ياخذ اللي يبي من اللي يجي على باله
قوي البنيه ...قولوا ماشالله :)لكنه يخاف من ظلله

رجه اذا حط في راسه شي لازم يسويه وان شاف العين الحاره مني والا من ابوه جانا يمثل علينا كل براءة العالم
يبتسم لنا ويحب الايدين والراس والخشم ويقصد فينا كلام حلو الين ينسينا الزعل:)
على فكره هو دايم مبتسم ولو ياكل مية علقه والا فقشه ..........تلاقونه مبتسم
نسيت اقول لكم ان عمره خمس سنين وشوي.


وليدي فيه ميزه حليوه ...ثرثاااااااااااااار وكلامه كثير ..وهذي الميزه هي اللي تكشف لي بلاويه
واحده من بلاويه واللي عرفتها من ثرثرته ...........هي
اكتشفت انه مسوي فيها وطواط ..خفاش الليل ..لو بينزل للبقاله ..
يتسحب مثل الحراميه عن طريق البدروم ...اللي هو مواقف للسيارات

ما اخفيكم ...قهرني وسويت معاه تحقيق بوليسي على كيف كيفكم ابي اعرف السبب
لكنه يتهرب مني اجيه من هنا يلف الموضوع من هنا .....طولت بالي عليه الى اخر قطره .
واخيرا قررت استخدم وسائل التعذيب وهددته با الكرسي الكهربائي :)
يوم شاف المساله وصلت للجد اعترف لي وهو لابس قناع البراءه والمسكنه

وقال لي ان اصحابه مسوين عليه عصبه وكل ما نزل يطاردونه ...........

هو مسوي فيها بريء وانا ادري انه اكيد متقيشر عليهم وماذيهم والا ما يحقدون عليه كل ها الحقد .

وحتى يسلم منهم ولا يشوفونه اذا نزل للبقاله لقى الحل الوحيد انه يروح عن طريق مواقف السيارات ..

لا تنسون اللي اسولف لكم عنه ...........وليدي
الموضوع شغلني كثير وحزنت لوليدي الشجاع :)واحترت في التصرف السليم
ولا ودي اقسى عليه واقوي الخوف عنده ..............

ففكرت ..ثم فكرت
الى ان وصلت الى حل سلمي يرضي جميع الاطراف :)
قلت له شوف بكره العصر انزل لا اصحابك وقول لهم حياكم الله عشاكم عندي الليله .............يؤؤؤؤؤؤؤ

قصدي قول لهم تراني بسوي حفله فيها العاب وفيها هدايا ومسابقات اللي يبي يجي الله محييه بعد بكره

طالعني بدهاء .....وقال
---- يمى لو تنزلين انتي معاي وتعزمينهم بنفسك ترى احسن واشيك :)

ذابحه الخوف لكن كبرياءه مانعه يقولها صريحه ....وقليبي ما طاوعني سويت نفسي مصدقته
نزلت معاه وعزمت اصحابه وحددنا الوقت واليوم والساعه


وسويت لهم حفله شاي:) قصدي حفله لعب وضحك وهدايا ومسابقات ..................وسويت منهم عصابه وقلت لهم كلكم ابطال واقوياء وبنسميكم عصابة المعموره بس هاااااااا لا تخلون اي غريب يدخل بينكم واعطيتهم عصابه خضراء دليل للسلام يحطونها على جباههم وكانت حفله حلييييييييييييوه
كل حرامي فيها قصدي كل طفل فيها انتفخ وصار يشوف نفسه بطل ووليدي منهم


انتهت الحفله ...وكل وليد اخذ هديته راح لبيتهم طاير من الفرحه
وصاروا وش حليلهم وصار وليدي حبيبهم يدورون عليه كل ساعه


بسسسسسسسسسس
مر على ها القصه يمكن عشرة ايام ................الليله وليدي راح للبقاله عن طريق البدروم
الظاهر خوياه يبون حفله ثانيه .....
:)
ها الولد يذكرني برابيت الارنب اللي في افلام الكرتون
ارنب لكن ذيب ما يقدر عليه الا اللي خلقه .

وش رايكم اسوي له حفله ثانيه :)


__________________

23 24

منى عجاجي
02-04-2004, 09:31 AM
أختي العزيزة واهمه. 17

الله يخليه لك ..ويكون له مستقبل زاهر يارب

وانا بشوف انوو ولد ذكي جداً..وراح يطلع شي شخصية
سياسية او دبلوماسية مشهوره..
وكأني بشوف بنتي احلام فيه..لانه كمان عندها اسلوب مثل العسل
في الكلام والشقاوه..بس في الألوان الله لايوريك..مربيه لي العصبي 2

وخدي رأي واعملي لوو الحفلة الثانيه 3 24

تحياتي...واهمه

الزهراء
02-04-2004, 11:55 AM
ما أحلى هذا الولد الله يخليه......

يعني مو يقولوا يلعب على الحبلين هذا الولد بيلعب على كل الحبال...

أي والله من أحداث القصة مبين داهية...

والداهية يستطيع أن يأخذ الناس لطرفه بكل سهولة...

إذا هيك عمره وكل هالشيء سوا .....

بقى بكرة ليكبر ويصير قدي يدخل على درب الياسمين ....

8

طيب سوي له حفلة ثانية وفرجينا شو بدو يعمل.....

شكراً واهمتي..... 30 30

madamdalal
02-04-2004, 06:12 PM
روعه وشهرزاد : حياكن الرحمن أشكر سرعة تجاوبكن مع "وليدي" :)

هذه القصه قديمه شوي ....اليوم له من العمر تقريبا سبع سنوات وشوي ودهاءه مازال في نمو :)

إليكن بعض من ما يفعله "رابيت" قصدي وليدي:

في مدرسته لا يحلو له أكل إفطاره سوى في حجرة المعلمين بل وفي وسط الحجره :)

كثيراً ما يجدونه ممسك بأحد الاطفال رامياً به على الارض في إحدى جوانب المدرسه ويديه على رقبة المسكين يخنقه !!


وحول بيتنا كل المحلات القريبه أصبحت تقراء المعوذات عند مروره بجانبها
بل إن محل تصوير قريب من " نسخ أوراق وتصويرها " أسموه المدير وأعطوه المكت ليجلس عليه حتى يسلمون من شره 24

وجارنا الحلاق كثيراً ما ظن إبني خارج من "توم وجيري" ....كثيراً ما لاحقه حول العماره لأنه يدخل إلى صالون الحلاقه ويستفزهم بالكلام والاذيه

إبني الذي كان يعمل من تحت لتحت صارت أعماله الاجراميه علنيه

يعني سنفور إرهابي :)



روعه حفظ الله لك أحلامك وجعلها قرة عينك إن شاء الله

زهراء شكرا لك عزيزتي حفظك الله لعينن ترجيك

سالم
02-05-2004, 07:38 PM
يا سلام
أتاري الإرهاب له بذوره وجذوره الواضحة

وصحيح المثل يلي بيقول ( طب الفنجال على تمه بيطلع الولد لأمه .. )

لو عملت ألف حفلة ما رح تخلص الشغلة لأن وليدك كل يوم له شان وشؤون .. وكل يوم له أعداء جدد وأصدقاء كثر ..

بس الله يخليلك ياه ..
هيك حلو ..

أقل شيء عرفنا .. ليش نسمع أخبار مخيفة في المجتمعات .. 7

لا تنسينا ومجموعة أطفال الدرب في حفلة الصلح القادمة 14